Ruma ri' ronojel ri niqab'än rojqan ri Qasun chi rij ri Taq Atzij.
Jub'a' Timol
Niqajikib'a' chi jub'a' ok qetaman chawij
Konojel ri na'onel taq ajk'aymoloj yekimöl taq tzij richin nikib'än ütz chi ke ri taq kitikojil. Po man k'atzinel ta ruk'wan k'ïy rub'anikil. Ri taq tzij yeqajo' e ja ri yek'atzin chawe. Niqak'utuj chi qe: ¿Pa qitzij chi yeqajo' ri taq tzij ri'? ¿Chuqa' jampe' yojtikïr yeqayüj?
K'o chi yejike'
Niqatïj qaq'ij richin niqachajij ri awetamab'al
K'ayew ri rujikomal tzij — o k'o ta chi ke ri. Ruma ri' toq niqasamajij rik'in ruwi' samaj richin yeqajäch ri taq tzij e k'o qik'in, e k'o rub'eyal richin yeqayäk chuqa' yeqachajij ri taq kiwäch, chuqa' majub'ey niqaya' kan richin yeqakamuluj ri taq tajinïk. Niqaya' ruq'ij ri awichinanem. Niqaya' qaramaj chi rij. Qasujun qatzij chi rij. Chuqa' niqak'üt chi kiwa ch'aqa' chik ajk'aymoloj achike rub'eyal nikib'än.
Majun ewäl
Jantape' ütz xtatz'ët ri qach'ajch'ojri'ïl
Majun cholb'äl ewan wawe'. Ri qak'ayij man rojqan ta richin nutïj ruq'ij pan ewäl ri qukub'ab'äl k'u'x. Ri Rutzijol Na'ojil tikirel nisik'ïx. Xab'achike winäq chijun ri ruwach'ulew nitikïr nik'oje' pa rumolojri'ïl qajk'aymoloj pa taq wuqq'ij. We nawajo' natz'ët chi jujun ri taq tzij yeqamöl, jaqäl ri qab'itz'ib'. Chuqa' röj.
-
¿Achike ruma nakuqub'a' ak'u'x chi rij ri Firefox?
Yeqanab'eyij ri qawinaq. Yojruto' jun ajmoloj majun ch'akoj rojqan. Pa ri nab'ey q'ij, ruk'u'x qatzij ri niqachajij ri k'amaya'l chuqa' konojel ri e k'o chupam.
-
Awichinanem, tikojil chi tikojil
Firefox tikojil junwi yesamäj — ruma ewachib'en richin nikiya' ruq'ij richin nichajïx ri awichinane.